Operatorlar

Operatorun prioriteti

PHP ifadəsində bir neçə operatordan istifadə edildikdə onların icra ardıcıllığı prioritet vasitəsilə müəyyənləşdirilir.

1 + 5 * 3 ifadəsi ekrana 18 deyil, 16 çıxaracaq, çünki vurma (*) operatorunun prioriteti toplama (+) operatoru ilə müqayisədə daha yüksəkdir. Dairəvi mötərizələr cütlüyü operatorların icra ardıcıllığını dəyişmək məqsədilə istifadə oluna bilər. Məsələn, (1 + 5) * 3 ifadəsi ekrana 18 çıxaracaq.

Operatorların prioriteti eyni olduqda, onların ifadədə sağdan sola, yaxud soldan sağa icra edilməsi assosiativlik ilə müəyyənləşdirilir. Məsələn, çıxma (-) sol assosiativ operatordur, ona görə 1 - 2 - 3 ifadəsi (1 - 2) - 3 kimi qruplaşdırılır və ekrana -4 çıxarılır. Mənimsətmə (=) isə sağ assosiativ operatordur və ona görə $a = $b = $a ifadəsi $a = ($b = $c) kimi qruplaşdırılır.

Aşağıdakı cədvəldə göstərilmiş operatorların siyahısı onların prioriteti üzrə sıralanıb. Prioriteti daha yüksək olan operatorlar cədvəlin yuxarı hissəsində, aşağı olanlar isə aşağı hissəsində yerləşir.

<?php
$b = 5;
$a = $b -= 4;
echo 'a = ' .$a.' b = ' .$b; // a = 1 b = 1
?>

Riyazi operatorlar

Məktəbdə keçirilən riyaziyyat fənninin əsaslarını xatırlayırsınız? Aşağıdakı operatorlar da eynilə işləyir.

Modul əməliyyatı zamanı operandlar tam ədədə konvertasiya olunur.

<?php
echo (5 + 4).  '<br>' .PHP_EOL;
echo (5 - 4).  '<br>' .PHP_EOL;
echo (5 * 4).  '<br>' .PHP_EOL;
echo (5 / 4).  '<br>' .PHP_EOL;
echo (5 % 4).  '<br>' .PHP_EOL;
echo (5 ** 4). '<br>' .PHP_EOL;
?>

Nəticə:

9
1
20
1.25
1
625

Mənimsətmə operatoru

Mənimsətmə operatoru = işarəsi kimi göstərilir. Bu operator onu bildirir ki, soldakı operanda sağdakı ifadənin qiyməti mənimsədilir.

<?php
$fruit = "apple"; // fruit dəyişəninə apple qiyməti mənimsədilir
?>

Mənimsətmə operatorunun prioriteti çox aşağıdır. Buna görə $x = 2 * 2 + 1 ifadəsində birinci növbədə riyazi əməliyyatlar (onların prioriteti yüksəkdir), sonra mənimsətmə icra olunur.

<?php
$x = 2 * 2 + 1;
echo $x; // 5
?>

Bir ifadəni eyni anda bir neçə dəyişənə mənimsətmək mümkündür.

<?php
$n = $m = $p = 3 * 5;
echo $n. '<br>' .PHP_EOL;     // 15
echo $m. '<br>' .PHP_EOL;     // 15
echo $p. '<br>' .PHP_EOL;     // 15
?>

İnkrement və dekrement operatorları

PHP proqramlaşdırma dilində $a += 1 və $b -= 1 tipli ifadələrdən geniş istifadə edilməsilə əlaqədar inkrement (artırma) və dekrement (azaltma) operatorları tətbiq olunur.

Sətir operatorları

Şərhlər: